الفتق الإربى فى الأطفال هو بروز تورم فى المنطقة الإربية على أحد الجانبين أو جانب واحد.

توقيت الاصلاح بيبدأ من ساعة ما بيتم التشخيص. و جراحة الفتق تستلزم السرعة و لكنها ليست طارئة الا فى حالة ظهور أعراض اختناق الفتق لا قدر الله.

الفتق الاربى عند الأطفال يختلف فى طبيعته عن مثيله فى الكبار.. و بالتالى العلاج بيختلف فى الحالتين.. يعنى مفيش تركيب شبكة فى الأطفال الا فى حالات قليلة جدا و الجراحة بتبقى جراحة يوم واحد و بدون استخدام درنقة بعد العملية.

الفتق الاربى عند الاطفال علاجه الوحيد هو الجراحة و ليس له أى علاج طبى. و علاجه عن طريق عملية استئصال كيس الفتق بدون استخدام شبكة.

كتير من الأمهات لما بتعرف ان ابنها عنده فتق اربى بتنزعج و بترفض العملية بحجة ان الطفل لسة صغير. الحقيقة ان الفتق الاربى مبيخفش لوحده و التدخل الجراحى هو الحل الوحيد. و كل ما كان الاصلاح اسرع كل ما فرصة المضاعفات بتبقى أقل و احتمالية حدوث اختناقات بتبقى اقل باذن الله. و بنطمن الامهات ان عملية الفتق الجراحى هى عملية بسيطة ان شاء الله و الطفل بيخرج فى نفس اليوم